اعجاز عليم عقيلي
اعجاز عليم عقيلي
اعجاز عليم عقيلي: برک صحافي، اديب ۽ ٽي. وي پروڊيوسر، اعجاز عليم عقيلي 9 آگسٽ 1953ع تي ٺٽي ۾ ڄائو. 1963ع ۾ ننڍڙي ڄمار ۾ شاعري ڪيائين ۽ پنجين، ڇھين درجي دوران سنڌي ادبي سنگت شاخ ٺٽي جو جوائنٽ سيڪريٽري منتخب ٿيو. اعجاز عليم عقيلي جڏهن نائين ڪلاس ۾ پڙهندو هو، ان وقت ’مڪلي پبليڪيشن‘ جي نالي سان هڪ ادبي رسالو شروع ڪيائين. مئي 1972ع ۾ جڏهن ڪراچيءَ مان پھريون ڀيرو سنڌي اخبار هلال پاڪستان نڪتي ته هي ان جو سب ايڊيٽر مقرر ٿيو ۽ ڪجهه ڏينھن کان پوءِ شاگردن جي صفحي جو انچارج ٿيو. اڳتي هلي سنڌ حڪومت جي اطلاعات کاتي ۾ انفارميشن آفيسر مقرر ٿيو. هڪ سال ڪم ڪرڻ کان پوءِ استعيفيٰ ڏنائين ۽ 1974ع ۾ پي ٽي وي تي پروڊيوسر ٿيو. ان کان اڳ شمس عقيليءَ جي نالي سان شاعري ڪندو هو. پي. ٽي ويءَ تي اچڻ کان پوءِ هن ڪافي پروگرام ڪيا، جن ۾ ’رتي رهاڻ‘ (جيڪو اڳتي هلي ’اوطاق‘ ۽ ’ڪچھريءَ‘ ۾ تبديل ٿيو)، ڊراما، دستاويزي فلمون، ’حالات حاضره‘، ’روشن تارا‘ (ٻارڙن جو پروگرام)، زرعي پروگرام، موسيقيءَ جا پروگرام ۽ اسٽيج شو وغيره اچي وڃن ٿا. هن جي مقبول پروگرامن ۾ وينجهار، پرک، رتي رهاڻ، تند تنوار، مھراڻ رنگ ۽ سنڌ سينگار شامل آهن. هن پي ٽي ويءَ تان گهرا گهاءَ، معذورن جو عالمي ڏينھن، ديسي سيڻ ڪجن ۽ ٻيا ڊراما ٽيلي ڪاسٽ ڪيا. عقيلي صاحب جديد موسيقي يعني ڊسڪو کي پي ٽي ويءَ تي سنڌيءَ ۾ متعارف ڪرايو. هن ڪوئيٽا جي پي ٽي وي سينٽر تان به ڪافي ڊراما بلوچي، براهوي ۽ پشتو پروگرام ڪيا، ان کانسواءِ مشھور بلوچي سيريل ”صحبِ اسٽار“ (صبح جو تارو) هلايائين. سرڪاري طور هالئنڊ مان 1989ع ۾ ماڊرن پروگرام پراڊڪشن جي سکيا وٺي آيو. بيلجيم، جرمني، سعودي عرب، پئرس ۽ دبئي گهمي چڪو آهي.
لفظ اعجاز عليم عقيليھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1953.08.09 عيسوي
اعجاز عليم عقيلي 9 آگسٽ 1953ع تي ٺٽي ۾ ڄائو
صحافي - ڀاڱي جون ٻِيون داخلائون
برڪاتي مسعود احمداسلم خواجا
مولا بخش ڀٽو
خٽڪ عبدالجبار
سيد سردار علي شاهه ذاڪر
سيد سبط حسن
امين ارباب
غلام حسين خاصخيلي
سيد غلام رسول شاهه
خير محمد نظاماڻي